GURE TALDEA
Zerbitzu
bokazioa
Irune Arrieta
ZUZENDARIA ETA HEZITZAILEA/LAGUNTZAILEA
Txiki-txikitatik konturatu nintzen ikaskuntzarik esanguratsuenak nire bizipenetatik sortzen zirela, eta oso frustrazio handia sentitzen nuen heldu batek zerbait irakatsi nahi zidanean, neure kabuz deskubritzen utzi gabe. Horrela izan zen eskola-etapa osoan. Nire bizitzako proiektuan murgildu nintzen arte, 18 urte beteak izan arte.
Eskolan lanean eman nituen lehen urteetan, ez nintzen gai izan ikasitakoa garai hartako errealitatearekin lotzeko, ezta nire baitan zegoen/dagoen izaerarekin ere, hezkuntzari/hazkuntzari dagokionez.
Urteetan zehar, aberasten ninduela sentitzen nuen guztian trebatu izan naiz, eta pertsona eta laguntzaile hobea izatea eta kalitatezko laguntza eskaini ahal izatea eragin dit honek, bai haurrentzat bai haien familientzat presente egonik.
Emmi Pikler eta Montessori dira nire erreferente nagusiak haurrekin egiten dudan lanerako. Mugimendu askearekiko errespetua eta prozesuei laguntzeko modua baloratuz.
Hainbat kongresu, hitzaldi, ikastaro eta prestakuntza jaso ditut eta Waldorf eskoletara joan naiz, eta nire maleta haurren ikaskuntza-prozesuekin lotutako guztia ikusarazteko ideiez eta moduez bete dut. Horretaz gain, denbora asko eskaini diot lan pertsonal intimoagoari, besteak beste, programazio neurolinguistikoa eta pedagogia sistemikoa bezalako prestakuntzari.
Nire familiarengandik eskuzabaltasuna, errespetua eta inguruko guztiarekiko maitasuna ikasi nuen. Baina, zalantzarik gabe, ama izatearen esperientzia izan da eta gaurko egunean ere bada, nire irakaskuntzarik handiena, bera izan da nire bizitzako irakaslerik nagusiena.
Hezteko beste modu batzuk aurkitu nituen, eta hortik hasi nintzen errespetuzko proiektuak ezagutzen eta horietan parte hartzen. Nire ekintzaile-zaina alde batera utzi gabe eta nire proiektuekin jarraituz. Nire ibilbide profesional guztia Pottokin garatu dut, 0 eta 3 urte bitarteko haurrek inguruan duten guztiari, hau da, beren izateko moduari eta mundua ezagutzeko duten jakin-min eta harridura horrek harrapatuta.
Oso zoriontsua naiz Pottokiren parte naizelako, eta gaur egun ere Inurriren parte naizelako. Haurren eta haien familien eskutik ibiltzeagatik; eta ikaskideen eskutik, haiekin batera jarraitu ahal dudalako ikaskuntza prozesu bizi eta amaigabe honetan.
Pottoki bezalako hezkuntza espazio batean, umez inguratuta egotea, bizitzak eman didan oparirik handienetako bat da, bertan maitasuna eta dibertsioa ziurtatuta daudelako.
Miren Arrieta
ZUZENDARIORDEA ETA HEZITZAILEA / LAGUNTZAILE
Nire bizitza akademiko osoa «eskola tradizionaleko» pedagogiak zituzten ikastetxeetan eman dut.
Gogoan dut beti oso pozik joan izana eskolara, joatea gustatzen zitzaidan, gustura nengoen,... Baina nire maila akademikoa ez zen beti nire inguruko helduek nahi zutena.
Orain, dakidana jakinda, esan dezaket arazoa agian ez zela nirea, beste eskola bat aukeratu izan banu desberdina izango zatekeela uste dut. Edozerk pizten zidan jakinmina, betidanik gustatu izan zait jakitea, baina ezer gutxi gustatu izan zait ikastea.
Hitz horiek nire bizitza berresten dute. Nahi nituen tituluak lortu nituen arren, nire prestakuntza ikastaroekin eta prestakuntza ezberdinekin jarraitu baitut.
Aipatutako ikastaro eta prestakuntza horiek, egunero haurrekin egindako benetako praktikak eta bizi izandako esperientziek gaur egun naizen profesionala izatea eragin dute. Aitortzen dut ez naizela perfektua, baina egunero gozatzen dut egiten dudanarekin eta egunero hobetzen dut nire inguruko pertsona eta profesionalen jakinduriaz jantziz.
Ixone Lorenzo
INGELES IRAKASLEA
Atzera begiratzen dut, eta txikitako oroitzapenik onenak anai-arrebekin eta lehengusu Sigmundekin partekatzen nituen garaiak dira. Hegoafrikatik etortzen zen bisitan, eta gaur egun ere gogoratzen ditugun une ahaztezinak pasatzen genituen. Gure komunikazio-hizkuntza ingelesa zen eta da. Gogoan dut jolasen, abestien, txangoen eta gaiztakeria eta abentura askoren bidez "bere hizkuntza" deskubritzen joatea.
Nire haurtzaroaren ondoren batxilergoa St 'George English School ikastetxean egin nuen eta ikasturte bat Irlandako Presentation Schooll ikastetxean eman nuen.
Nire lanbide-heziketa Katalunian hasi zen, D 'Esplai El Tricicle Fundazioan praktikak eginez. Bertan ulertu nuen jokoaren, aisialdi hezitzailearen, kulturalaren edo artistikoaren bidez atzerriko hizkuntza batean irakastea zela nire benetako bokazioa.
Irati Pablo
HEZITZAILE / LAGUNTZAILE
Haur Hezkuntza ikasten hasi aurretik, inoiz ez nuen pentsatu zein garrantzitsua den bizitzako lehen etapa hau, horren arabera, zure bizitzako ibilbidea era batekoa edo bestekoa izan daitekelako.
Nire hezkuntza akademikoa ikastetxe publikoetan eta pribatuetan egin dut, eta oso oroitzapen politak ditudan arren, frustrazioa, ikaskideekiko konparazioa ere sentitu izan ditut inoiz. Sarritan, une jakin eta konkretu baterako ikasten ari nintzela sentitzen nuen, baina benetan ez nuela ezer ikasten.
Nire kasuan, erosoago sentitzen nintzen jarduera sortzaileagoak garatzen nituenean, hala nola dantza, musika edo plastika eta artea.
Denborarekin, konturatu nintzen pertsona bakoitza desberdina dela eta bakoitzak erritmo propioa eta motibazio desberdinak dituela, eta horiek ez zaituztela ez hobeago, ez okerrago egiten. eta, Zoritxarrez, izan nuen hezkuntza eredua ez zegoen prestatuta gutako bakoitzaren indibidualtasuna errespetatzeko.
Horretaz gain, irakaslearen figura funtsezkoa dela kontruratu nintzen, irakasle batzuek bultzatu eta hegoak ematen baitizkizute, beste batzuek moztu egiten dizkizute.
Horrek guztiak, beharbada, haur-hezkuntzako ikasketak egitera eraman ninduen. Horri esker, oso interesgarriak zitzaizkidan metodologia alternatiboak ezagutzen hasi nintzen, hala nola Emmi Piklerren metodologia eta Maria Montessoriren metodologia. Horien ondorioz, gauzak ikusteko eta sentitzeko nire modua aldatzen hasi zen, eta ez bakarrik esparru profesionalean, baita bizitzan ere.
Gaur egun, ikastaroak, formazioak, liburuak, artikuluak... prestatzen jarraitzen dut, lanbide honetan inoiz ez baita nahikoa.
JARRI HARREMANETAN GUREKIN
Interesaturik?
Ilusioa eta kalitatezko konpromisoa.
